'गण गण गणांत बोते' हे भजन प्रिय सद्गुरूतें

'गण गण गणांत बोते' हे भजन प्रिय सद्गुरूतें॥   
या श्रेष्ठ गजानन गुरुतें । तुम्ही आठवित रहा यातें।
हे स्तोत्र नसे अमृत तें । मंत्राचि योग्यता यातें॥
हे संजीवनि आहे नुसतें । व्यावहारिक अर्थ न यातें।

मंत्राचि योग्यता कळते। जो खराच मांत्रिक त्यांतें।
पाठें दुःख ते हरतें। पाठका अति सुख होतें॥
हा खचित अनुग्रह केला । श्री गजानननें तुम्हांला।
घ्या साधुन अवघे याला। मनिं धरून भाव- भक्तीला।
कल्याण निरंतर होई। दुःख तें मुळीं नच राही ॥
असल्यास रोग तो जाई। वासना सर्व पुरतिलही।

आहे याचा अनुभव आला। म्हणूनियां कथित तुम्हांला॥
तुम्ही बसुन श्रेत्र शेगांवी। स्तोत्राची प्रचिती पहावी।
ही दंतकथा ना लवही। या गजाननाची ग्वाही ॥

अनंत कोटी ब्रम्हांडनायक महाराजाधिराज योगिराज परब्रह्म सच्चिदानंद भक्त प्रतिपालक शेगाव निवासी समर्थ सद्गुरु श्री गजानन महाराज की जय