अजित पवार यांच्या नेतृत्वाखाली राष्ट्रवादी कांग्रेसने दिल्ली विधानसभेच्या निवडणुकीत आपले 30 उमेदवार जाहीर केले आहे. दिल्लीत पक्ष एकट्याने आपले उमेदवार लढवणार आहे. अजित पवार गटाने नवी दिल्ली, करावल नगर, कालकाजी या जागेवर आपले उमेदवार उभे केले आहे.
दिल्लीत सत्ताधारी आम आदमी पार्टी, भाजप आणि काँग्रेस हे प्रमुख पक्ष आहेत. काँग्रेसच्या आक्रमक वृत्तीमुळे यावेळी दिल्लीतील लढत तिरंगी होण्याची शक्यता आहे. राष्ट्रवादी काँग्रेसने यापूर्वी महाराष्ट्राबाहेर राज्याच्या निवडणुका लढवल्या आहेत, मात्र दिल्लीत त्यांना फारसे यश मिळालेले नाही.
2020 मध्ये झालेल्या दिल्ली विधानसभा निवडणुकीत संयुक्त राष्ट्रवादी काँग्रेसने पाच जागा लढवल्या होत्या. मात्र, पक्षाला एकही जागा जिंकता आली नाही. जुलै 2023 मध्ये अजित पवार आणि शरद पवार यांच्या गटात राष्ट्रवादीचे विभाजन झाल्यानंतर दिल्लीतील ही पक्षाची पहिलीच निवडणूक असेल.निवडणूक आयोगाने जाहीर केलेल्या वेळापत्रकानुसार, 5 फेब्रुवारी रोजी दिल्लीतील 70 विधानसभा जागांवर एकाच टप्प्यात मतदान होणार आहे. तर 8 फेब्रुवारीला निवडणुकीचा निकाल जाहीर होणार आहे.
