परप्रांतीयांची घरवापसीसाठीही त्यांनी वैयक्तिक पातळीवर लक्ष दिले होते. मुंब्रा तसेच भिवंडीसारखा संवेदनशील परिसरही त्यांनी पिंजून काढला होता. पोलिसांमध्ये वाढते कोरोनाचे प्रमाण लक्षात घेता त्यांनी सर्वच पोलीस ठाण्यांमध्ये काही सामाजिक संस्थांच्या मदतीने कोरोना तपासणी आणि उपचाराची मोहीम राबविली होती. ७० दिवस रुग्णलायत राहून कोरोनाशी लढा देत घरी सुखरूप परतलेले सहाय्यक पोलीस उपनिरीक्षकाचा घरी ठाणे पोलीस आयुक्त फणसाळकर यांनी नुकतीच भेट देऊन त्यांना शुभेच्छा दिल्या होत्या.
