एएनआय या वृत्तसंस्थेशी बोलताना त्या म्हणाल्या, "आपल्याला या विषाणूचं स्वरुप माहिती आहे. त्यावर आपलं नियंत्रण नाही. जेवढ्या जास्त लोकांना कोरोनाची लागण होईल तेवढ्याच संख्येने त्याचा संसर्ग होतो. कोरोनापासून बचावासाठी लागू केलेले नियम पाळणं मात्र आपल्या हातात आहे. सुरक्षित अंतर ठेवणे, स्वच्छता राखणे, मास्क घालणे, इत्यादी."
राज्याचे आरोग्यमंत्री राजेश टोपे यांनी सोमवारी (23 ऑगस्ट) बोलताना स्पष्ट केलं की, नीती आयोगाकडून देण्यात आलेला सावधानतेचा इशारा आजचा नाही. केंद्राला आलेलं पत्र जून महिन्यातील आहे, असंही ते म्हणाले.
