केटरिंग मध्ये करिअर-सेवा आणि समाधानाचा व्यवसाय आहे कॅटरिंग चा
मंगळवार, 29 जून 2021 (18:31 IST)
केटरिंग अंतर्गत खासगी पार्टी, वसतिगृहे, कार्यालय व घर इत्यादी पासून खास आणि सामान्य लोकांपर्यंत नाश्ता, जेवणाच्या सुविधा पुरवाव्या लागतात.या मध्ये अन्नाची घरपोच सेवा देखील दिली जाते.
सध्याच्या धावपळीच्या युगात कोणाला एवढा देखील वेळ नसतो की ते स्वतःपुरती अन्न शिजवू शकतील.अशा परिस्थितीत केवळ केटरर्स त्यांची आवश्यकता पूर्ण करतात. स्वयंरोजगारासाठी केटरिंग हा एक चांगला पर्याय आहे. केटरिंग लहान आणि मोठ्या प्रमाणात केले जाऊ शकते.
या कार्यामध्ये चांगल्या अन्नापासून चांगल्या सेवेपर्यंत सर्व काही समाविष्ट आहे. या स्वयंरोजगाराच्या यशाची गुरुकिल्ली ग्राहकांचे समाधान आहे.
हा व्यवसाय मोठ्या शहरात स्वरोजगार म्हणून सहज स्वीकारला जाऊ शकतो.
सर्वात महत्त्वाचे म्हणजे, कॅटरिंग ही एक नियमित सेवा आहे जी मुख्यत: न्याहारीपासून रात्रीच्या जेवणापर्यंत चालत असते. यामध्ये टिफिनची संख्या दिवसेंदिवस कमी जास्त होत आहे.
आपण आपल्या घरातून किंवा दुकानात कोठूनही केटरिंग चा व्यवसाय सुरू करू शकता. छोट्या प्रमाणावर काम सुरू करण्यासाठी, बऱ्याच लोकांची आवश्यकता नसते, तर मोठ्या प्रमाणात कामाच्या विस्तारासाठी मनुष्य बळाची आवश्यकता असते.याद्वारे आपण इतर लोकांना रोजगार देखील प्रदान करू शकता.
लहान प्रमाणात केटरिंगचा व्यवसाय सुरु करण्यासाठी नोंदणी करण्याची गरज नसते,परंतु मोठ्या प्रमाणात हा व्यवसाय सुरु करण्यासाठी नोंदणी करणे आवश्यक आहे.हे स्वयंरोजगार करण्यासाठी आपल्याला स्वयंरोजगार कायद्याच्या अटी पूर्ण केल्यावर कर्जही मिळू शकेल.यासाठी छोट्या आणि देशांतर्गत उद्योगांसाठी कर्ज (म्हणजेच बॅंक लघु उद्योग) किंवा प्रधान मंत्री स्वरोजगार योजनेच्या जवळच्या कार्यालयात संपर्क साधू शकतात.
जर आपण मोठ्या प्रमाणात कॅटरिंग व्यवसाय सुरू करत असाल तर संबंधित पदवी, डिप्लोमा किंवा प्रमाणपत्र अभ्यासक्रम करणे आवश्यक आहे. या अभ्यासक्रमांचा कालावधी तीन महिन्यांपासून तीन वर्षांपर्यंत आहे.यासाठी हॉटेल मॅनेजमेंट, फूड अँड प्रॉडक्शनशी संबंधित कोर्स करता येतात.
डिप्लोमा कोर्स साठी 12वी पास आणि पदवी अभ्यासक्रम करण्यासाठी पदवीधर असणे आवश्यक आहे.
कॅटरिंगसाठी आपण या संस्थांशी संपर्क साधू शकता.
* फूडक्राफ्ट संस्था, जुनी गार्गी कॉलेज इमारत, लाजपत नगर, नवी दिल्ली.
* फूड क्राफ्ट इन्स्टिट्यूट अकॅडमी आणि कॉलेज ऑफ हॉटेल मॅनेजमेंट, आग्रा (उत्तर प्रदेश)
* ओबेरॉय शिक्षण व विकास केंद्र,1 श्यामनाथ मार्ग, नवी दिल्ली.
