जेव्हा जेव्हा टीव्ही क्वीनची चर्चा होते तेव्हा त्यात एकता कपूरचे नाव नक्कीच घेतले जाते. आजही प्रेक्षकांना एखाद्या शोचे नाव आठवत असो वा नसो, पण एकता कपूरचे नाव मात्र नक्कीच लक्षात राहते. एकता आज इंडस्ट्रीतील सर्वात यशस्वी महिला निर्माती आहे. असे म्हणतात की प्रत्येक यशस्वी व्यक्तीच्या मागे मोठा संघर्ष असतो. एकतेचा सुरुवातीचा प्रवासही अडचणींनी भरलेला आहे.
एकता कपूर आज तिचा वाढदिवस साजरा करत आहे. एकता कपूरचा जन्म 7 जून 1975 रोजी मुंबई, महाराष्ट्र येथे झाला. वडील जितेंद्र हे त्यांच्या काळातील प्रसिद्ध अभिनेते होते तर आई शोभा कपूर निर्मात्या होत्या. वडिलांमुळे एकताची बालपणीच फिल्म इंडस्ट्रीत ओळख झाली. लहानपणापासून एकताचे तिच्या वडिलांवर खूप प्रेम होते.
वयाच्या अवघ्या 17 व्या वर्षी एकता कामाच्या शोधात लागली. त्यांनी अॅड फिल्ममेकर कैलाश सुरेंद्रनाथ यांच्यासोबत इंटर्नशिप सुरू केली. इंटर्नशिप पूर्ण झाल्यावर एकता त्याच जाहिरात कंपनीत काम करू लागली. पुढे एकताची मेहनत आणि समर्पण पाहून तिच्या वडिलांनी तिला स्वतःचा व्यवसाय सुरू करण्यासाठी आर्थिक पाठबळ दिले. यानंतर एकताने बालाजी टेलिफिल्म्समध्ये निर्माती म्हणून काम करायला सुरुवात केली.
