अभिनेत्री करीना कपूरला कोर्टाची नोटीस

बॉलिवूड अभिनेत्री करीना कपूर खानच्या अडचणीत वाढ होताना दिसत आहे. मध्य प्रदेश उच्च न्यायालयाच्या जबलपूर खंडपीठाने करीना कपूरला नोटीस बजावली आहे. 'करीना कपूर प्रेग्नन्सी बायबल' नावाच्या वादग्रस्त पुस्तकाबाबत ही नोटीस देण्यात आली आहे.

यमूर्ती जीएस अहलुवालिया यांच्या एकल खंडपीठाने करीना कपूर व्यतिरिक्त आदिती शाह भीमजियानी, ॲमेझॉन इंडिया, जुगरनॉट बुक्स आणि इतरांनाही नोटीस बजावली आहे आणि त्यांचे उत्तर मागितले आहे. या प्रकरणाची पुढील सुनावणी 1 जुलै रोजी होणार आहे.

जबलपूर सिव्हिल लाइनचे रहिवासी ख्रिस्तोफर अँथनी यांनी उच्च न्यायालयात याचिका दाखल केली आहे. ज्यामध्ये तिने 'करीना कपूर प्रेग्नन्सी बायबल' या पुस्तकाद्वारे ख्रिश्चन समाजाच्या धार्मिक भावना दुखावल्याचा आरोप केला आहे. 

या प्रकरणी करीना कपूरवर फौजदारीचा गुन्हा दाखल करण्याची मागणी केली आहे. स्वतःला प्रसिद्धी मिळवण्यासाठी करीना कपूर ने हे पुस्तक लिहिले असल्याचे म्हटले आहे. या पुस्तकाचे मुखपृष्ठ आक्षेपार्ह असल्याचे सांगण्यात येत आहे. 

करिनाने तिच्या गर्भधारणेचा अनुभव सांगण्यासाठी हे पुस्तक प्रकाशित केले होते. पुस्तकाच्या नावात बायबल जोडल्याने ख्रिश्चन धर्मांच्या लोकांच्या भावना दुखावल्या गेल्या. पुस्तकाचे शीर्षक बायबल मधून घेतले आहे. बायबल हा ख्रिश्चन धर्माचा धार्मिक ग्रन्थ असून हे ग्रंथ पवित्र असून त्यात परमेश्वराची शिवण आहे. या मुळे या पुस्तकाचा निषेध करण्यात आला आहे. 

Edited by - Priya Dixit