रेणुकास्वामी हत्याकांडातील कन्नड अभिनेता दर्शन थुगुडिपा आणि इतर सहा आरोपींना कर्नाटक उच्च न्यायालयाने दिलेल्या जामिनावर सर्वोच्च न्यायालयाने आज तीव्र नाराजी व्यक्त केली. सर्वोच्च न्यायालयाने स्पष्ट शब्दात म्हटले आहे की हा न्यायालयीन विवेकाचा अयोग्य आणि बेजबाबदार वापर आहे. न्यायमूर्ती जे.बी. पारडीवाला आणि आर. महादेवन यांच्या खंडपीठाने म्हटले आहे की उच्च न्यायालयाने आरोपींना जामिन ज्या पद्धतीने दिला आहे तो संपूर्ण प्रक्रियेवर प्रश्नचिन्ह उपस्थित करतो.
दर्शनला जामिन रद्द करण्याची मागणी करणाऱ्या कर्नाटक सरकारने दाखल केलेल्या याचिकेवरील सुनावणीदरम्यान सर्वोच्च न्यायालयाने ही टिप्पणी केली. खंडपीठाने स्पष्ट केले की उच्च न्यायालयाने सर्व सात आरोपींना निर्दोष सोडल्यासारखे दिसते आहे. न्यायमूर्ती पार्डीवाला यांनी विचारले की उच्च न्यायालय प्रत्येक प्रकरणात एकाच पद्धतीने आदेश देते का? किरण आणि पुनीत या दोन मुख्य साक्षीदारांच्या जबाबांना अविश्वसनीय घोषित करण्याच्या उच्च न्यायालयाच्या दृष्टिकोनावरही त्यांनी प्रश्नचिन्ह उपस्थित केले.
