चित्रपट निर्माते ओम राऊत यांचा 'आदिपुरुष' चित्रपट 16 जून रोजी चित्रपटगृहात प्रदर्शित झाला आहे. हा चित्रपट बॉक्स ऑफिसवर चांगली कमाई करत आहे. तर दुसरीकडे 'आदिपुरुष'बाबत प्रचंड निषेध व्यक्त केला जात आहे. सोशल मीडियावर युजर्स या चित्रपटाबद्दल आपली प्रतिक्रिया व्यक्त करत आहेत, तर अनेक बॉलिवूड सेलिब्रिटीही चित्रपटाबद्दल आपली प्रतिक्रिया देत आहेत. प्रभास, क्रिती सेनॉन आणि सैफ अली खान स्टारर या चित्रपटावर अनेकांकडून टीका होत आहे.
आदिपुरुष चित्रपटावर काठमांडू मध्ये बंदी घालण्याचा निर्णय घेण्यात आला आहे. चित्रपट सीता मातेच्या जन्मस्थनांवरून वाद निर्माण झाला आहे. महाकाव्यानुसार तिचा जन्म नेपाळमध्ये झाला होता ज्याचा चित्रपटात उल्लेख नाही. काठमांडूचे महापौर बालेन शाह यांनी सांगितले की, काठमांडू व्हॅलीमध्ये चित्रपट प्रदर्शित होऊ दिला जाणार नाही आणि शहरातील सर्व चित्रपटगृहांना लेखी सूचना दिल्या आहेत की, जोपर्यंत हे दृश्य हटविले जात नाही तोपर्यंत चित्रपट प्रदर्शित केला जाणार नाही. इतर कोणत्याही शहरात. हा चित्रपट गृहामध्ये ही दाखवला जाणार नाही.
मात्र लवकरच संपूर्ण नेपाळमध्ये या चित्रपटावर बंदी घातली जाण्याची भीती आहे. काठमांडूच्या महापौरांनी आदिपुरुषाला हिंदूंच्या भावनांविरोधात आक्षेपार्ह म्हटले आहे. माता सीतेचे जन्मस्थान मिथिला येथे आहे जे आता नेपाळमध्ये आहे. या निर्णयाला अनेकांनी पाठिंबा दिला आहे. सर्वसामान्यांपासून ते लोकप्रिय सेलिब्रिटींपर्यंत आदिपुरुषांवर आतापर्यंत भाष्य केले आहे. त्याचबरोबर या चित्रपटावर अनेकांनी आक्षेप नोंदवले आहेत. चित्रपटातील संवादांपासून ते कलाकारांच्या कपड्यांपर्यंत प्रश्न उपस्थित केले जात आहेत.
