तसंच दुपारी 12 वाजता काँग्रेस, राष्ट्रवादी काँग्रेस या दोन्ही पक्षांसह त्यांच्या इतर मित्रपक्षांची बैठक होणार आहे. काँग्रेसने निकालानंतर आजपर्यंत आपला गटनेता निवडलेला नाही. आज दुपारी एक वाजता काँग्रेस आपला गटनेता निवडणार आहे. त्यानंतर दुपारी शिवसेना पक्षप्रमुख उद्धव ठाकरे यांची काँग्रेस आणि राष्ट्रवादी काँग्रेस नेत्यांबरोबर बैठक होईल.
तर शिवसेना आणि राष्ट्रवादी काँग्रेस यांच्यामध्ये दोनच जागांचे अंतर असल्यामुळे राष्ट्रवादी काँग्रेसला मुख्यमंत्रिपदही हवे असल्याच्या चर्चा सुरू होत्या. सुरुवातीची अडीच वर्षं शिवसेनेला मुख्यमंत्रिपद देण्यात यावं असा प्रस्ताव दोन्ही काँग्रेसने दिल्याचं सांगण्यात येतं होतं. त्यावर शिवसेनेने आतापर्यंत स्पष्ट प्रतिसाद दिलेला नव्हता.
