चिनी मीडियाने दिलेल्या माहितीनुसार, बीजिंगपासून 80 किमी अंतरावर असलेल्या सान्हे शहरात स्थानिक वेळेनुसार सकाळी 8 वाजता ही घटना घडली. जखमींना रुग्णालयात दाखल करण्यात आले आहे. प्राथमिक माहितीनुसार, गॅस सिलिंडरच्या गळतीनंतर हा स्फोट झाला.
चीनच्या मदत आणि बचाव विभागाने सांगितले की, लोकांना वाचवण्यासाठी 36 वाहने आणि 154 बचाव कर्मचारी तैनात करण्यात आले आहेत. यानंतर आग आटोक्यात आणण्यात आली. बीजिंगमध्ये काही उच्चस्तरीय बैठकीनंतरच या स्फोटाची बातमी आली आहे.
