रोहन सुभाष धोबी असे मृत बालकाचे नाव आहे. रोहनचे आजोबा एका दुध डेअरीवर कामाला आहेत. त्यामुळे रोहनच्या घरी तीन लिटर दुध रोज येते. दरम्यान 13 ऑक्टोबर रोजी सकाळच्या वेळेत अंगणातील चुलीवर दुध तापवण्यासाठी ठेवले होते. यावेळी रोहन त्याच्या बहिणीसोबत खेळत होता. खेळता खेळता रोहन हा चुलीजवळ गेला त्यानंतर तो उकळत्या दुधात पडला. यामुळे तो 36 टक्के भाजला होता. त्यास तात्काळ जळगाव येथील प्राथमिक आरोग्य केंद्रावर उपचारासाठी दाखल केले गेले नंतर त्यास मुंबईला हलविण्यात आले होते. आठ ते दहा दिवस त्याच्यावर मुंबईतर उपचार करण्यात आले मात्र उपचारादरम्यान रोहनने मृत्यूला कवटाळले.
