मनीषा विकास काळे असं मातेचं नाव आहे. 23 वर्षीय महिला पारधी समजातील असून गेल्या दहा दिवसांपासून बीड येथील जिल्हाधिकारी कार्यालयासमोर घरकुलासाठी उपोषण करत आहेत. त्यांच्यासोबत उपोषणात त्यांचे चुलते अप्पाराव भुजा पवार आणि पती विकास काळे देखील साथ देत आहे. गर्भवती महिला गेल्या दहा दिवसांपासून उपोषण करत असून देखील प्रशासनानं याकडे दुर्लक्ष केलं गेलं असून अशा अवस्थेत मनीषा यांनी गुरुवारी पहाटे आंदोलनस्थळीच बाळाला जन्म दिला आहे.
बीड जिल्ह्यातील वासनवाडी शिवारात अप्पाराव पवार राहतात. त्यांची पुतणी मनीषा विकास काळे ह्या देखील पतीसह त्यांच्यासोबत वास्तव्याला आहेत. काही दिवसांपूर्वी अप्पाराव यांना घरकुल मंजूर झालं असून देखील ग्रामपंचायत घर बांधण्यासाठी जागा उपलब्ध करून देत नाहीये. यामुळे अप्पाराव हे आपल्या कुटुंबासह 24 जानेवारीपासून जिल्हाधिकारी कार्यालयासमोर उपोषण करत आहेत.
