सततच्या खोकल्यामुळे कॅन्सर होण्याची शक्यता होती. मात्र, महिलेच्या फुफ्फुसातून एक लवंग काढण्यात आली. उल्लेखनीय म्हणजे, गेल्या सात वर्षांपासून त्यांच्या फुफ्फुसात लवंग अडकली होती. अनुषा नावाच्या या ३६ वर्षीय महिलेला दोन-तीन वर्षांपासून खोकल्याचा त्रास होत होता. लक्षणांमध्ये श्वास लागणे, छातीत दुखणे आणि कधीकधी रक्ताची थुंकी यांचा समावेश होता. वजन कमी झाल्यानंतर थकवा जाणवत होता.
हे लक्षात येताच घरची परिस्थिती बदलली होती. पतीच्या कामावर आणि शाळेत जाणाऱ्या मुलावरही याचा परिणाम झाला. त्यानंतर महिलेला वरिष्ठ श्वसनविकार तज्ज्ञ डॉ.अशोक अरबट यांच्याकडे आणण्यात आले. त्या वेळी, चाचण्यांमध्ये असे दिसून आले की महिलेला तिच्या फुफ्फुसात काहीतरी आहे, कर्करोग नाही. अत्याधुनिक तपासणीत ती लवंग असल्याचे समोर आले. सात वर्षांपूर्वी तिच्या घशात लवंग अडकल्याची घटनाही महिलेला आठवली.ब्रोन्कोस्कोपिक क्रायो बायप्सी, डायलेटेशन (फुगा) आणि फॉरेन बॉडी रिमूव्हल अशा प्रक्रिया करून ही लवंग बाहेर काढण्यात आली. या प्रक्रियेसाठी कुठलीही चिरफाड करावी लागली नाही. तोंडाद्वारे फुप्फुसांमध्ये दुर्बिण (ब्रॉन्कोस्कोप) घालून पूर्ण प्रक्रिया करण्यात आली. एकूणच यामुळे कर्करोगाची शक्यता व्यक्त केल्यानंतर जेव्हा लवंग निघाली तेव्हा अनुषा यांच्या परिवाराने सुटकेचा निश्वास टाकला.
