देशात थंडीची लाट येत असताना श्रीलंकेच्या किनाऱ्याजवळ दक्षिण -पश्चिम बंगालच्या उपसागरात कमी दाबाचा पट्टा तयार होत असताना देशातील काही भागात मुसळधार पाऊस कोसळत आहे. येत्या 48 तासात काही राज्यात पावसाचा जोर वाढण्याची शक्यता हवामान खात्यानं वर्तवली आहे. हवामान अंदाज एजन्सी स्कायमेट मते, आंध्रप्रदेश किनारपट्टी आणि तमिळनाडू येथे हलक्या ते मध्यम पावसासह मुसळधार पावसाची शक्यता वर्तवण्यात आली आहे.
