पोलिसांनी दिलेल्या माहितीनुसार, सांगली शहरातील पोलीस ठाण्यात गुन्हे प्रकटीकरणाचे पथक 7 जून रोजी पेट्रोलिंग करत असताना पोलीस कर्मचाऱ्यांना आकाशवाणी केंद्राजवळ एक जण बनावट नोटा विक्री करत असल्याची माहिती मिळाली असून पोलिसांनी सापळा रचून कारवाई करण्याचा सूचना पोलीस निरीक्षकांनी दिल्या.
त्या साठी दोन पथके परिसरात पाहणी करण्यासाठी गेली. तर आकाशवाणी केंद्राजवळ संशयित आरोपी अहद शेखची झडती घेतल्यावर त्याच्या कडून 50 रुपये दराच्या भारतीय चलनाच्या हुबेहूब दिसणाऱ्या 75 नोटा जप्त केल्या. शेखची चौकशी केल्यावर त्याने मिरज घराजवळ एका खोलीत बनावट नोटांची छपाई करत असल्याची माहिती दिली. पोलिसांनी छापा टाकून बनावट नोटा छपाईचे मशीन, कागद, वेगवेगळ्या रंगाची शाई, लॅमिनेटर मशीन, रंगीत कागद असे साहित्य जप्त केले पोलिसांनी एकूण 3 लाख 90 हजार रुपयांचा मुद्देमाल जप्त केला आणि शेखला अटक केली.
