याबाबत करमाळा पोलिसांनी दिलेली माहिती अशी, नाशिक जिल्ह्यातुन मे महिन्यात प्रेम प्रकरणातून प्रियकराने अल्पवयीन मुलीला पळवून नेले होते. काही दिवसांतच प्रियकर या मुलीला एकटी सोडून पळाला. ही मुलगी भटकंती करत करमाळ्यात पोहचली. पोथरे नाका येथे नागरिकांना ही मुलगी दिसली. तिची परिस्थिती बघून त्यांनी पोलिसांना माहिती दिली. करमाळा पोलिसांनी मुलीची आसथेवाईकपणे चौकशी करत तिच्या कुटुंबियांचे नाव पत्ता घेत त्यांच्याशी संपर्क साधला. कुटुंबियांनी तत्काळ करमाळा येथे जात मुलीला ताब्यात घेतले. निरीक्षक सूर्यकांत कोकणे, उपनिरीक्षक विनायक माहुरकर, शितल पवार यांनी ही कारवाई केली. याप्रकरणी ग्रामीण पोलिसांत अपहरणाचा गुन्हा दाखल आहे.
