घराची साफसाफाई करत असताना विजेच्या तारावर पाय पडल्याने १६ वर्षीय तरुणाचा मृत्यू झाल्याची घटना जळगाव शहरातीलगणेश कॉलनीत घडली. सुनील संजय चव्हाण (१६, मूळ रा. मन्यारखेडा) असं मृत तरुणाचे नाव आहे. या घटनेमुळे चव्हाण कुटुंबीयांवर दु:खाचा डोंगर कोसळला असून शासकीय वैद्यकीय महाविद्यालय व रुग्णालयात नातेवाईकांनी आक्रोश केला.
सुनाल चव्हाण हा जळगावातील बोहरा गल्लीतील बांधकामाच्या ठिकाणी आई-वडील व बहिण यांच्यासोबत वास्तव्याला आहे. बोहरा गल्लीतील फटाके दुकान मालकाने त्यांच्या गणेश कॉलनीतील घरी साफसफाई करण्यासाठी सुनील चव्हाण आणि त्याचा मित्र सागर सुभाष शिंदे यांना बुधवार, १ नोव्हेंबर रोजी सकाळी पाठविले होते.