अवकाळी पाऊसामुळे शेतकऱ्याचे खूप नुकसान झाले आहे. पावसामुळे पीक खराब झाला आहे. या मुळे शेतकऱ्यांना आर्थिक संकटाना सामोरी जावे लागत आहे. राज्यात अजूनही काही ठिकाणी पाऊस कोसळत आहे. निसर्गाच्या लहरीपणाचा फटका शेतकऱ्यांना पडला आहे. दुष्काळात तेरावा अशी म्हण चरितार्थ झाली आहे. लातुरात. लातूर तालुक्यात भिसे वाघोली शिवारा येथे शॉट सर्किटने लागलेल्या आगीमुळे 60 एकर ऊस जळून खाक झाला आहे. या आगीत 20 शेतकऱ्यांचे नुकसान झाले आहे. महावितरणच्या कारभारामुळे आणि त्यांच्या दुर्लक्षतेमुळे हे नुकसान झाल्याचे सांगितले जात आहे.
भिसेवाघोलीत 60 एकरात ऊस लागवड केली आहे. हा ऊस तोडणीलाच आला होता. रविवारी दुपारी शॉर्ट सर्किट होऊन लागलेल्या आगीत हे ऊस जळाले आहे. शॉर्ट सर्किटच्या एका ठिणगीने पाहता-पाहता रौद्र रूप घेत 60 एकरातील उसाला जळून खाक केले. या उसावरच शेतकऱ्यांचे वार्षिक अर्थनियोजन असते. या भागात ऊसच मुख्य पीक आहे. आगीत झालेल्या नुकसानीमुळे 20 शेतकऱ्यांचे नुकसान झाले आहे. या आगीत उसाचेच नाही तर इतर शेती साहित्याचे नुकसान देखील झाले आहे.
