कनूज येथील मियागानी गावामध्ये हा प्रकार घडला आहे. येथील एका भाजी विक्रेत्याने मेथीच्या नावाखाली या कुटुंबातील निलेश नावाच्या व्यक्तीला चक्क गांजा वनस्पतीची जुडी विकली. निलेशलाही काही कल्पना नसून त्याने त्याच्या वहिनीला ही भाजी दिली. तिने भाजी शिजवून कुटुंबातील सहा जणांनी भाजी खाल्ल्याने त्यांना त्रास जाणवू लागला. सर्वांची तब्बेत बिघडू लागली तेव्हा त्यांनी शेजाऱ्यांच्या मदतीने डॉक्टरांशी संपर्क साधला. कुटुंबातील सर्व सदस्य बेशुद्ध पडले हा विचित्र प्रकार बघून शेजारच्यांनी थेट पोलिसांना फोन केला. त्यानंतर बेशुद्ध अवस्थेत सर्वांना रुग्णालयामध्ये दाखल करण्यात आलं.
