दिल्ली-जयपूर महामार्गावर भीषण अपघात, टँकरच्या धडकेने कारला आग, 4 जणांचा मृत्यू

ANI

Major accident on Delhi Jaipur highway  दिल्ली-जयपूर महामार्गावर शुक्रवारी रात्री उशिरा भीषण अपघात झाला. दिल्ली-जयपूर महामार्गावरील गुरुग्राममधील सिद्रावली गावाजवळ शुक्रवारी (10 नोव्हेंबर) रात्री तेलाच्या टँकरने कार आणि पिकअप व्हॅनला धडक दिल्याने किमान चार जण ठार झाले, पोलिसांनी सांगितले. एएनआय या वृत्तसंस्थेने ही माहिती दिली.

वृत्तसंस्था एएनआयने दिलेल्या माहितीनुसार, बिलासपूर पोलीस ठाण्याचे तपास अधिकारी विनोद कुमार यांनी दिलेल्या माहितीनुसार, जयपूरहून येणाऱ्या तेलाच्या टँकरने  डिवाइडर तोडून कारला धडक दिली. आतील प्रवासी बहुधा जयपूरला जात असल्याचे पोलिसांनी सांगितले. कारमधील सीएनजी सिलेंडरमुळे भीषण आग लागली आणि काही वेळातच गोंधळ उडाला.

पोलिसांनी दिलेल्या माहितीनुसार, टक्कर झाल्यानंतर आग लागल्यामुळे तिन्ही प्रवाशांचा मृत्यू झाला. पोलिसांनी पुढे सांगितले की, कारला धडक दिल्यानंतर ऑइल टँकरची महामार्गावरील पिकअप व्हॅनला धडक बसली, त्यामुळे व्हॅन चालकाचा जागीच मृत्यू झाला.

#WATCH | Haryana: A tanker hits a car and pickup vehicle near Sidhrawali on Delhi-Jaipur Highway. Further details awaited. pic.twitter.com/RhmzpS1PKL

— ANI (@ANI) November 11, 2023

तपास अधिकारी विनोद कुमार म्हणाले, 'दिल्ली-जयपूर महामार्गावर अपघात झाल्याची माहिती आम्हाला मिळाली. आम्ही घटनास्थळी पोहोचलो तेव्हा आम्ही पाहिले की एक कार जळून राख झाली होती आणि तीन लोकांचा मृत्यू झाला होता. नंतर आम्हाला असेही कळले की पिकअप व्हॅनची एका ऑइल टँकरला टक्कर झाली, त्यामुळे व्हॅनचा चालक जागीच मरण पावला. मात्र, ऑइल टँकरचा आरोपी चालक पळून गेला असून त्याला पकडण्याचे प्रयत्न सुरू आहेत. या संपूर्ण प्रकरणाचा पुढील तपास सुरू आहे.