निवडणूक पारदर्शक आणि निष्पक्षपणे पार पाडण्यासाठी काँग्रेस पक्ष निवडणूक आयोगातून रश्मी शुक्ला यांच्यासह वादग्रस्त आणि मदत करणाऱ्या अधिकाऱ्यांना हटवण्याची मागणी नाना पटोले यांनी निवडणूक आयोगाला केली. यासंदर्भात नाना पटोले यांनी 24 सप्टेंबरला पत्रही लिहिले होते. यामध्ये रश्मी शुक्ला यांच्यावरही कारवाई होणार असल्याची चर्चा होती. मात्र रश्मी शुक्ला यांचा कार्यकाळ भाजप सरकारने दोन वर्षांनी वाढवला.
मुख्य निवडणूक आयुक्त राजीव कुमार यांनी आढावा बैठकीमध्ये विधानसभा निवडणुकीच्या घोषणेदरम्यान निष्पक्ष आणि योग्य वर्तनासाठी अधिकाऱ्यांना ताकीद दिली. ते म्हणाले, कर्तव्य बजावताना त्यांनी वर्तनात नि:पक्षपातीपणे वागले पाहिजे. राज्यातील 288 जागांसाठी 20 नोव्हेंबर रोजी मतदान होणार आहे. 23 नोव्हेंबर रोजी मतमोजणी होणार आहे.
