Marathi Kavita हंबरून वासराले चाटती जवा गाय

गुरूवार, 9 मे 2024 (15:49 IST)
हंबरून वासराले
चाटती जवा गाय
तवा मले तिच्यामंदी 
दिसती माझी माय
 
आया बाया सांगत व्हत्या 
व्होतो जवा तान्हा
दुष्काळात मायेच्या माजे
आटला व्हाता पान्हा
पिठामंदी पाणी टाकून 
पाजत जाय
तवा मले पिठामंदी 
दिसती माझी माय
 
कान्याकाट्या येचायला 
माय जाई रानी
पायात नसे वहान तिच्या 
फिरे अनवाणी
काट्याकुट्यालाही तिचं 
मानत नसे पाय
तवा मले काट्यामंदी 
दिसती माझी माय
 
बाप माझा रोज लावी 
मायच्या मागं टुमनं
बास झालं शिक्षान आता 
घेऊदी हाती कामं
शिकून श्यानं कुठं मोठा
मास्तर होणार हाय
तवा मले मास्तरमंदी 
दिसती माझी माय
 
दारू पिऊन मायेला मारी 
जवा माझा बाप
दारू पिऊन माये मारी जवा माझा बाप
थर थर कापे आन 
लागे तिले धाप
कसायाच्या दावनीला
बांधली जसी गाय
तवा मले गायीमंदी 
दिसती माझी माय
 
बोलता बोलता येकदा
तिच्या डोळा आलं पानी
सांग म्हणे राजा तुझी
कवा दिसलं रानी
भरल्या डोळ्यान
भरल्या डोळ्यान कवा पाहीन 
दुधावरची साय
तवा मले सायीमंदी 
दिसती माझी माय
 
म्हणून म्हणतो आनंदानं 
भरावी तुझी वटी
पुन्हा येकदा जन्म घ्यावा
माये तुजे पोटी
तुझ्या चरनी ठेवून माया
धरावं तुझं पाय
तवा मले पायामंदी
दिसती माझी माय
 
कवी - स. द. पाचपोळ

वेबदुनिया वर वाचा

संबंधित माहिती

नक्की वाचा

या 5 जीवनसत्त्वांच्या कमतरतेमुळे डोकेदुखी होते, जाणून घ्या उपाय

Natural Cool Water उन्हाळ्यात फ्रीज न वापरता थंड पाणी मिळवा, कसे ते जाणून घ्या

झोपेची समस्या दूर करण्यासाठी या योगासनांचा सराव करा

जातक कथा : दयाळू मासा

स्वप्नात हे पक्षी दिसणे खूप शुभ मानले जाते, जाणून घ्या

नवीन

झटपट बनवा थंडगार Orange Papaya Smoothie

हळदी कुंकू मराठी उखाणे Haldi Kunku Marathi Ukhane

उन्हाळ्यात गरम पाणी प्यावे का? अनेक लोक या 3 चुका करतात

Healthy and tasty recipe सत्तूचे लाडू

सकाळी रिकाम्या पोटी दुधी भोपळा खाण्याचे फायदे जाणून घ्या