न्यारी धरणात तरुणांना धोकादायक स्टंट करणे महागात पडले

सध्या सर्वत्र मुसळधार पावसानं धुमाकूळ घातला आहे पावसामुळे नदी, नाले, धरणे भरली आहे. पावसात पाण्यात भिजायला आणि हूल्ल्लडबाजी करण्यात काही तरुण पुढेच असतात. अनेक तरुण पूर आलेल्या भागात स्टंट करण्यात मागे नाही. राजकोटच्या न्यारी धरणात धोकादायक  स्टंट करत असल्याचा व्हिडिओ व्हायरल झाल्यानंतर, गुजरात पोलिसांनी एका तरुणाला अटक केली असून आणखी दोघांचा शोध सुरू आहे. 12 जुलै रोजी व्हायरल झालेल्या या व्हिडिओमध्ये थार जीपवर स्वार झालेले तरुण न्यारी धरणात स्टंट करताना दिसत आहेत. राजकोटचे पोलीस हवालदार शिवभद्रसिंह गोहिल यांनी आपल्या तक्रारीत म्हटले आहे की, सत्यजित सिंह झाला यांच्या इंस्टाग्राम हँडल  वर एक व्हिडिओ क्लिप अपलोड करण्यात होती

.

झाला यांनी त्यांच्या पोलिस स्टेटमेंटमध्ये म्हटले आहे की, "11 जुलै रोजी मी मित्र रवी वेकारिया, स्मित सखिया, छयांशू सगपरिया यांच्यासह मित्र अर्जुनसिंह जडेजाच्या थार जीपमध्ये पावसाचा आनंद घेण्यासाठी न्यारी धरणात गेलो "

ते पुढे म्हणाले, "चांगल्या पावसामुळे धरणाच्या वरच्या प्रवाहात पाणी वाहत होते. जेव्हा स्मितने धरणाच्या एका टोकाला जिथे पाण्याची पातळी कमी होती तिथे पाण्यात गाडी चालवण्याचा निर्णय घेतला. स्मित गाडी चालवत होता. छयांशू आणि रवी उठले. दोन्ही पायांनी गाडी खोल पाण्यात नेली. मी या स्टंटचा व्हिडिओ रेकॉर्ड करत होतो. जो मी माझ्या इंस्टाग्राम अकाउंटवर अपलोड केला आहे." हा व्हिडीओ आता डिलीट करण्यात आला आहे. 

राजकोट पोलिसांनी छयांशू सगपरियाला कारसह अटक केली आहे आणि आता रवी आणि स्मितचा शोध सुरू आहे, जे गुरुवारी संध्याकाळी तक्रार दाखल झाल्यापासून फरार आहेत.