'बेपनाह' आणि 'निशा और उसके कझिन्स'मध्ये दिसलेला अभिनेता ताहिर शब्बीर आता दिग्दर्शक आणि निर्मात्याच्या भूमिकेत दिसणार आहे. हॉटस्टार वर ताहिरची '100' नावाची वेबसीरिज येत असून यामध्ये रिंकू राजगुरू महत्त्वाच्या भूमिकेत दिसणार आहे. रिंकू सोबतच या वेबसीरिजमध्ये ताहिर आणि फोर मोअर शॉर्टस्‌ फेम राजीव सिध्दार्थसुद्धा दिसणार आहेत. ताहिर नुकताच नेटफ्लिक्सवरील गिल्टी आणि वूटवरील लॉ अ‍ॅण्ड ऑनर या वेब सीरिजमध्ये दिसला आहे. ताहिरच्या रॅट फिल्म या बॅनर अंतर्गत या वेबसीरिजची निर्मिती होत आहे. 'सैराट'नंतर रिंकूचा 'कागर' हा सिनेमा प्रेक्षकांच्या भेटीला आला.
