पॅरिस पॅरालिम्पिक 2024 मध्ये, भारतीय खेळाडू शरद कुमार आणि मरियप्पन थांगावेलू यांनी उंच उडीत T63 प्रकारात रौप्य आणि कांस्य पदके जिंकली आहेत. या खेळाडूंनी अप्रतिम कामगिरी करत भारताच्या खात्यात पदक मिळवून दिले.
मरियप्पन थांगावेलूने पॅरालिम्पिक 2016मध्ये सुवर्ण पदक, 2020 मध्ये रौप्य पदक आणि यावेळी कांस्य पदक जिंकले आहे. त्याने सलग तीन पॅरालिम्पिकमध्ये पदके जिंकली आहेत. थंगावेलू आणि शरद कुमार यांच्याशिवाय पदकाच्या शर्यतीत आणखी एक भारतीय होता. शैलेश कुमार असे त्याचे नाव आहे. पण त्याला पदक जिंकता आले नाही आणि चौथ्या क्रमांकावर राहिला. त्याने 1.85 मीटर उडी मारली.
पॅरिस पॅरालिम्पिक 2024 मध्ये भारतीय खेळाडूंनी अप्रतिम कामगिरी केली आहे. भारताने आतापर्यंत एकूण 20 पदके जिंकली असून त्यात 3 सुवर्ण, 7 रौप्य आणि 10 कांस्य पदकांचा समावेश आहे. पदकतालिकेत भारत सध्या 18 व्या क्रमांकावर आहे.
