यानिक सिन्नरने बुधवारी पुरुष एकेरीत माजी चॅम्पियन डॅनिल मेदवेदेवचा चार सेटमध्ये पराभव करून प्रथमच यूएस ओपन टेनिस स्पर्धेच्या उपांत्य फेरीत प्रवेश केला. इटलीच्या अव्वल मानांकित सिन्नरने 2021 च्या चॅम्पियन मेदवेदेवचा 6-2, 1-6, 6-1, 6-4 असा पराभव केला.
सिनरने जानेवारीत ऑस्ट्रेलियन ओपनच्या अंतिम फेरीत पहिले दोन सेट गमावल्यानंतर दमदार पुनरागमन करत मेदवेदेवचा पाच सेटमध्ये पराभव करून विजेतेपद पटकावले. अंतिम फेरीत स्थान मिळवण्यासाठी सिनरचा शुक्रवारी ब्रिटनच्या 25व्या मानांकित जॅक ड्रॅपरशी सामना होईल. त्याच दिवशी दुसरा उपांत्य सामना 12व्या मानांकित टेलर फ्रिट्झ आणि 20व्या मानांकित फ्रान्सिस टियाफो यांच्यात होणार आहे.
