Khelo India Youth Game:खेलो इंडिया युथ गेम्समध्ये सुवर्ण गोळा करण्याची हरियाणाची मोहीम सुरू आहे. कुस्तीमध्ये आपला दबदबा कायम ठेवत यजमान राज्याने आणखी चार सुवर्णपदके पटकावली आहेत.आता हरियाणाच्या खात्यात 16 सुवर्ण, 8 रौप्य आणि 16 कांस्य पदके आहेत. याशिवाय वेटलिफ्टिंग, नेमबाजी, योगासने, सायकलिंग आणि गटकामध्येही हरियाणाने सुवर्ण यश संपादन केले.
गतविजेता महाराष्ट्र (१३ सुवर्ण, ६ रौप्य, ७ कांस्य) पहिल्या स्थानावरून दुसऱ्या स्थानावर गेला होता. थांग थामध्ये दोन दिवसांत सहा सुवर्णपदके जिंकणारा मणिपूर तिसऱ्या स्थानावर आहे. या पारंपरिक मार्शल आर्टमध्ये जम्मू-काश्मीरने पहिले सुवर्णपदक जिंकले. सुमितने 60 वजनी गटात मध्य प्रदेशच्या आशिषचा पराभव केला.
हरियाणाने गटकामधील 18 वर्षांखालील सिंगल स्टिक सांघिक स्पर्धेत सुवर्णपदक पटकावले. प्रीत सिंगने वैयक्तिक पुरुष गटात सिंगल स्टिक आणि अर्जनीतने महिला विभागात रौप्यपदक जिंकले.18 वर्षांखालील कलात्मक गट योगासनमध्ये हरियाणाच्या योगपटूंनी महाराष्ट्राच्या खेळाडूंना हरवून सुवर्णपदक पटकावले. व्हॉलीबॉलमध्ये हरियाणाने राजस्थानचा पराभव करत अंतिम फेरीत प्रवेश केला.
