भिवंडीत मेट्रो बांधकाम जवळ रिक्षातून जाताना तरुणाच्या डोक्यात 5 फूट लांबीचा लोखंडी रॉड घुसला

भिवंडी येथून एक धक्कादायक घटना समोर आली आहे. भिवंडीतील मेट्रो प्रकल्पाच्या जागेजवळ सोमवारी दुपारी एक हृदयद्रावक अपघात घडला. नारपोली पोलीस ठाण्याजवळ बांधण्यात येणाऱ्या मेट्रो स्टेशनच्या पुलावर काम करत असताना अचानक वरून 5 ते 6 फूट लांबीचा लोखंडी रॉड खालून निघणाऱ्या रिक्षावर पडला आणि त्यात बसलेल्या तरुणाच्या डोक्यात थेट शिरला. या अपघातात तरुण गंभीर जखमी झाला.

 सोनू शेख असे या जखमी तरुणाचे नाव असून तो भंडारी कंपाउंड विठ्ठल नगरचा रहिवासी आहे. अपघाताच्या वेळी तो बागे फिरदोस परिसरातून जेवण करून घरी परतताना त्याची रिक्षा मेट्रोपुलाच्या खालून जात असताना वरून एक भारदस्त लोखंडी रॉड पडला आणि त्याच्या डोक्यात घुसला. स्थानिकांनी त्याला ताबडतोब रुग्णालयात नेले.

डॉक्टरना उपचारापूर्वी कटिंग मशीनने डोक्यातील रॉड कापावे लागले. नंतर त्याला सिटीस्कॅनला नेण्यात आले. तरुणाची प्रकृती गंभीर असल्याचे वृत्त आहे. 

घटनेच्या ठिकाणी उपस्थित असलेल्या एका प्रत्यक्षदर्शीने सांगितले की, मेट्रो प्रकल्पाच्या कामात निष्काळजीपणा होत असून या कडे कोणीच लक्ष देत नाही लोकांनी जबाबदाऱ्यांवर कारवाई करण्याची मागणी केली आहे.

Edited By - Priya Dixit