शिवषडक्षर स्तोत्रम

ऒंकारं बिन्दुसंयुक्तं नित्यं ध्यायन्ति योगिनः । 

कामदं मोक्षदं चैव ऒंकाराय नमो नमः ॥१॥ 

नमन्ति ऋषयो देवा नमन्त्यप्सरसां गणाः । 

नरा नमन्ति देवेशं नकाराय नमो नमः ॥२॥ 

महादेवं महात्मानं महाध्यान परायणम । 

महापापहरं देवं मकाराय नमो नमः ॥३॥ 

शिवं शान्तं जगन्नाथं लोकानुग्रहकारकम । 

शिवमेकपदं नित्यं शिकाराय नमो नमः ॥४॥ 

वाहनं वृषभो यस्य वासुकिः कण्ठभूषणम । 

वामे शक्तिधरं देवं वकाराय नमो नमः ॥५॥ 

यत्र यत्र स्थितो देवः सर्वव्यापी महेश्वरः । 

यो गुरुः सर्वदेवानां यकाराय नमो नमः ॥६॥ 

षडक्षरमिदं स्तोत्रं यः पठेच्छिवसन्निधौ । 

शिवलोकमवाप्नोति शिवेन सह मोदते ॥७॥ 

इति श्रीरुद्रयामले उमामहेश्वरसंवादे शिवषडक्षरस्तोत्रं संपूर्णम ॥