रशिया आणि युक्रेनमध्ये अनेक दिवसांपासून युद्ध सुरू आहे. दरम्यान, रशियाने एक मोठी घोषणा केली आहे. रशियाचे अध्यक्ष व्लादिमीर पुतिन यांनी शुक्रवारी युद्धविराम करण्याचे आश्वासन दिले. मात्र, त्यांनी युद्धबंदीसाठी काही अटी घातल्या आहेत. एका मीडिया रिपोर्टनुसार, पुतिन यांनी म्हटले आहे की, युक्रेनने आपले सैन्य मागे घेतल्यास, ताब्यात घेतलेले क्षेत्र रिकामे केले आणि नाटोमध्ये सामील होण्याची योजना संपवली तर रशिया युद्धविरामाचा विचार करू शकतो.
कीवच्या संरक्षण गुप्तचर संस्थेने रशियाच्या आत नवीनतम पिढीचे रशियन लढाऊ विमान नष्ट केले होते. गुप्तचर संस्थेच्या म्हणण्यानुसार, त्यांनी प्रथमच रशियाच्या आतल्या एअरबेसवर रशियन Su-57 फायटर जेटला लक्ष्य केले आहे.
23 फेब्रुवारी 2022 च्या रात्री रशियाचे अध्यक्ष व्लादिमीर पुतिन यांनी युक्रेनवर लष्करी कारवाईची घोषणा केली. काही तासांनंतर, म्हणजे 24 फेब्रुवारीच्या पहाटे, युक्रेनची राजधानी कीव आणि आसपासच्या शहरांमध्ये अचानक हवाई हल्ले होऊ लागले. रशियाच्या या हल्ल्याने जगभरात खळबळ उडाली आहे. दुसरीकडे युक्रेननेही प्रत्युत्तर देण्यास सुरुवात केली.
युद्धाच्या सुरुवातीपासून जग दोन गटांमध्ये विभागले गेले. युक्रेनला पाठिंबा देण्यासाठी नाटोचे सदस्य देश उभे राहिले, तेव्हा अमेरिका, ब्रिटन, पोलंड, फ्रान्ससह अनेक देशांनी युद्धापासून दूर राहून मदत करण्यास सुरुवात केली. दुसरीकडे चीन, दक्षिण कोरिया, इराण हे देश प्रत्यक्ष वा अप्रत्यक्षपणे रशियाच्या पाठीशी उभे आहेत.
