देशात केंद्र सरकार देत असलेला 100 कोटी लसीकरणाचा आकडा खोटा असून फक्त 23 कोटी लस दिल्या गेल्या आहेत, आपण ही गोष्ट पुराव्याने सिद्ध करु, असा दावा शिवसेना खासदार संजय राऊत यांनी केला आहे.
नाशिक दौऱ्यावर माध्यमांशी संवाद साधताना संजय राऊत बोलत होते. "लडाखची सीमा पार करून चीनचे सैन्य भारतात आले, काश्मीरमध्ये शीख हत्याकांड झाले आणि आपल्याकडे लसीचे उत्सव साजरा केले जातात," अशी टीका संजय राऊत यांनी यावेळी केली.
