एका इतर घटनेत तब्बल आठ लग्न करुन सासरच्यांना गंडवणारी दरोडेखोर वधू अखेर पोलिसांच्या जाळ्यात सापडली. सासरच्या घरातून दागिने आणि रोख रक्कम घेऊन पळून जाणाऱ्या तरुणीसह चौघांना अटक झाली आहे. मात्र धक्कादायक बाब म्हणजे या तरुणीची पोलिसांनी एचआयव्ही चाचणी केली असताना टेस्टचा अहवाल पॉझिटिव्ह आला आहे. आता पोलीस तिच्याशी लग्न केलेल्या सर्व वरांचीही एचआयव्ही चाचणी घेणार आहेत.
