मोदी साहेब खूप काम करतात, ते फक्त दोन तास झोपतात हा चांगला प्रयोग आहे. आता उरलेले दोन तास सुद्धा त्यांना झोपू द्यायचं नाही असं बहुतेक महाराष्ट्रातील भाजपच्या नेत्यांनी ठरवलेले आहे. त्यानुसार भाजपाचे नेते कामाला लागले आहेत, असं शिवसेना नेते संजय राऊत यांनी म्हटलं आहे.
पंतप्रधान नरेंद्र मोदी हे 22 तास काम करतात, दोन तास झोपतात. आता तर ते दोन तासही झोप येऊ नये यासाठी प्रयत्न करीत आहेत, असं विधान भाजपचे प्रदेशाध्यक्ष चंद्रकांत पाटील यांनी केलं होतं.
