याप्रकरणी बाबासाहेब चंदु बनकर (वय 42 रा. पिंपळगाव माळवी ता. नगर) यांनी फिर्याद दिली आहे. अर्जुन हजारे हा सून ज्योतीच्या चारित्र्यावर संशय घेत होता. यावरून मंगळवारी सकाळी त्यांच्यात भांडण झाले. भाऊ गुजाबा हजारे यांच्या घरासमोरील रस्त्यावर हे भांडण सुरू होते. या भांडणामध्ये ज्योती हिने अर्जुन हजारे यांच्या डोक्यात, कपाळावर, तोंडावर दगड व कुर्‍हाडीने मारहाण केली. या मारहाणीत गंभीर जखमी झालेल्या अर्जुन हजारे यांचा मृत्यू झाला आहे असे तक्रारीत म्हंटले आहे. शवविच्छेदनसाठी मृतदेह जिल्हा रूग्णालयात दाखल करण्यात आला होता. आरोपी ज्योती हजारे हिला पोलिसांनी ताब्यात घेतले आहे.
