उत्तर बंगालच्या उपसागरात चक्राकार वाऱ्यांच्या स्थितीमुळे रविवारी नव्याने कमी दाब क्षेत्रांची निर्मिती झाली.या मुळे पश्चिम बंगाल, ओडिसा कडे सरकणाऱ्या या प्रणालीची तीव्रता वाढण्याचा इशारा देण्यात आला आहे.
आज कोकण घाटमाथ्यासह राज्यात पावसाची दमदार हजेरी लागण्याची शक्यता आहे. मध्य महाराष्ट्राच्या घाटमाथ्यावर तुरळक ठिकाणी मुसळधार पावसाची शक्यता आहे. रायगड, ठाणे, रत्नागिरी, नंदुरबार, सिंधुदुर्ग, पुणे, नाशिक, सातारा, आणि कोल्हापूर जिल्ह्यांत ऑरेंज अलर्ट देण्यात आला आहे.
हवामान विभागाने पालघर धुळे, मुंबई, जळगाव जिल्ह्यांत पावसाचा यलो अलर्ट जारी केला आहे. तर बुलढाणा, अकोला, अमरावती, वर्धा, वाशीम आणि नागपूर जिल्ह्यांत विजांच्या कडकडाटासह पावसाचा यलो अलर्ट दिला आहे.
