जोगेश्वरी पूर्व मतदारसंघाचे ठाकरे गटाचे आमदार रविंद्र वायकर लवकरच शिंदेंच्या शिवसेनेत प्रवेश करणार आहेत. वायकर यांनी मतदारसंघातील सर्व नगरसेवक, शाखाप्रमुखांसह विभाग प्रमुखांना पक्ष प्रवेशाची तयारी करण्याचे आदेश दिल्याची एका वृत्तवाहिनीला सुत्रांनी माहिती दिली आहे.
वायकर यांच्यावर जोगेश्वरीतील कथित घोटाळ्याचे आरोप आहेत. याप्रकरणी त्यांच्यावर ईडीची कारवाईही सुरु आहे. संजय राऊत यांनी आजच वायकरांविषयी ट्विट करून भाजपावर टीका केली होती. दरम्यान, वायकर यांनी शिंदेंसोबत गुप्त भेट घेतली होती. यामध्ये पक्ष प्रवेशाबद्दल ठरल्याचे सांगण्यात येत आहे.
