राज्यातील शाळांना 2 मे ते 12 जून या कालावधीत उन्हाळी सुटी जाहीर करण्यात आली आहे. आगामी 2022-23 या शैक्षणिक वर्षातील शाळा 13 जूनपासून, तर विदर्भातील शाळा 27 जूनपासून सुरू करण्यात येणार असल्याची माहिती शालेय शिक्षण विभागाने परिपत्रकाद्वारे दिली. परीक्षांचे निकाल सुटीच्या काळात घोषित करता येणार आहेत.
राज्यातील पहिली ते नववी, अकरावीचा निकाल 30 एप्रिल रोजी किंवा त्यानंतरच्या सुटीच्या कालावधीत जाहीर करता येईल. मात्र तो निकाल विद्यार्थी, पालकांपर्यंत पोहोचवण्याची जबाबदारी संबंधित शाळेची राहील.
