"शिवसैनिकांना गिनके आणि चुनके मारणारा अजून जन्माला यायचा आहे. दादागिरीला दादागिरीनेच उत्तर देणार," असा इशारा शिवसेनेचे नेते आणि विधान परिषदेचे विरोधी पक्षनेते अंबादास दानवे यांनी बुलडाण्याचे आमदार संजय गायकवाड यांना दिला आहे. बुलडाणा येथे आयोजित शिवसेनेच्या मेळाव्यात ते बोलत होते.
"कोणी मोजायला आलंय का?" असा सवाल विचारत दानवेंनी भाषणाची सुरुवात केली. "कुणीतरी इथे येऊन आधी गिनून घ्या आणि एखाद्याला चुनून घ्या. तोच कार्यकर्ता तुमच्याकडे पाठवतो. मग पाहतो कोण भारी ठरते ते," अशा शब्दांत दानवे विरोधकांवर बसरले.
