प्रदुषणाला जबाबदार धरून दत्त इंडिया साखर कारखान्याचा वीज व पाणी पुरवठा खंडित करण्याचे आदेश प्रदुषण नियंत्रण मंडळाने सोमवारी दिले, तर वारंवार इशारा देऊनही साडपाणी नदीमध्ये सोडले जात असल्याने महापालिकेला फौजदारी कारवाईपूर्व नोटीस बजावण्यात येत आहे.
आणखी वाचा
वसंतदादा साखर कारखाना भाडे करारावर चालविणार्‍या दत्त इंडिया कारखान्याचे रसायनयुक्त पाणी वाहून नेणारी नलिका फुटल्याने दुषित पाणी शेरीनाल्यात मिसळल्याचे आढळून आले. तर महापालिकेचे सांडपाणीही शेरीनाल्यातून वाहत असल्याचे आढळले. दुषित पाणी कृष्णा नदीत मिसळले. यामुळे पाण्यातील प्राणवायूचे प्रमाण कमी झाल्याने हजारो माशांचा तडफडून मृत्यू झाल्याचे प्राथमिक तपासणीवरून स्पष्ट झाले आहे.
