येत्या ९ मार्च रोजी मुंबईत मनसेचा १३ वा वर्धापन दिन साजरा होत आहे. यानिमित्ताने मनसेप्रमुख राज ठाकरे हे पक्षाची लोकसभा निवडणुकीविषयी असलेली भूमिका मांडणार आहेत. त्याच दिवशी ठाण्यातून ही निवडणूक कोणता उमेदवार लढणार हेदेखील स्पष्ट होणार आहे. परंतु, सध्या या निवडणुकीसाठी मनसे नेते अभिजीत पानसे, ठाणे-पालघर जिल्हा अध्यक्ष अविनाश जाधव, मनविसे जिल्हाअध्यक्ष संदीप पाचंगे व नवी मुंबई शहर अध्यक्ष गजानन काळे या चार जणांची नावे चर्चेत आहे.
