कोरोनाचा प्रभाव कमी होत असल्यामुळे सण-वार धुमधडाक्याने साजरा करण्याची मागणी होत आहे. अशात ग्रामीण भागात लोकप्रिय व पारंपरिक खेळ असलेल्या बैलगाड्या शर्यती व बैलांची झुंज याला देखील परवानगी देण्यात यावी, अशी मागणी आमदार नितेश राणे यांनी केली आहे. तर गृहमंत्री वळसे पाटील यांनी बैलगाडा शर्यतीसाठी वटहुकूम काढण्याची तयारी दाखविली आहे.
बैलगाडा शर्यती व बैलांची झुंज हे ग्रामीण भागातील लोकप्रिय व पारंपारिक कार्यक्रम असून ते फार पूर्वीपासून थाटाने साजरे करण्यात येत आहेत. त्यामुळे या कार्यक्रमांनाही सुरू करण्याची परवानगी मिळावी तसंच यात बैलांना कोणत्याही प्रकारची इजा व दुखापत होणार नाही याची योग्य काळजी घेण्यात येईल तसेच नियम व अटींचा पालन करुनच कार्यक्रम केला जाईल म्हणून याला परवानगी द्यावी, अशी मागणी आमदार नितेश राणे यांनी केली आहे.
