गेल्या महिन्यात जवाहर नगर येथील भंडारा येथील ऑर्डनन्स फॅक्टरीमधील एलटीपीई विभागात शुक्रवारी सकाळी 10:30 वाजता मोठा स्फोट झाला होता. इमारत क्रमांक 23 मध्ये झालेल्या अपघातात 3कर्मचाऱ्यांचा जागीच मृत्यू झाला, तर एकूण 8 जणांचा मृत्यू झाल्याची भीती व्यक्त केली जात आहे आणि 10जण गंभीर जखमी झाल्याची माहिती आहे.
अपघातानंतर ढिगाऱ्याखाली गाडलेल्या 9 जणांना सुरक्षितपणे बाहेर काढण्यात आले आणि त्यांना उपचारासाठी पाठवण्यात आले. हा स्फोट इतका तीव्र होता की त्याचा आवाज 8 किमी अंतरापर्यंत ऐकू आला आणि 12 किमी अंतरापर्यंत कंपने जाणवली. स्फोटामुळे इमारतीचे लोखंडी आणि काँक्रीटचे अवशेष दूरवर विखुरले होते. जखमींना ढिगाऱ्यातून बाहेर काढण्यात आले आणि प्राथमिक उपचारानंतर त्यांना भंडारा येथील लक्ष्य रुग्णालयात दाखल करण्यात आले.
महाराष्ट्राचे मुख्यमंत्री देवेंद्र फडणवीस यांनी या घटनेवर दुःख व्यक्त केले होते. यानंतर, देवेंद्र फडणवीस यांनी भंडारा जिल्ह्यातील ऑर्डनन्स फॅक्टरी दुर्घटनेत मृत्युमुखी पडलेल्यांच्या कुटुंबियांना ५ लाख रुपयांची आर्थिक मदत देण्याची घोषणा केली होती.
