जुन्या पुणे-मुंबई महामार्गावर शिंगरोबा मंदिराच्या पाठीमागच्या घाटामध्ये खासगी बस दरीत कोसळल्याची घटना घडली आहे. अपघातात 13-14 लोक मृत्यूमुखी पडल्याची भीती असल्याचं बचाव पथकातील कर्मचाऱ्याने पीटीआयशी बोलताना म्हटलं आहे. या बसमध्ये 40 ते 45 प्रवासी होते. या घटनेत 20 ते 25 लोक जखमी झाल्याची प्राथमिक माहिती पोलिसांनी दिली आहे. या बस मध्ये बाजीप्रभु वादक गट (झांज पथक) गोरेगाव येथील कार्यकर्ते होते. हे सर्व पुण्यात शुक्रवारी झालेला कार्यक्रम संपवून परत जात असताना ही घटना घडली आहे. ही बस तब्बल 40 ते 50 फूट खोल दरीत कोसळल्याची माहिती मिळाली आहे.
