पोलिसांनी दिलेल्या माहितीनुसार, यशवंत लक्ष्मण हिरे असे या पित्याचे नाव आहे. हिरे यांनी आपल्या सहा वर्षीय मुलाला सोबत घेत अंजग येथील शेती महामंडळाच्या विहिरीत उडी मारुन आत्महत्या केली. यशवंत हिरे हे पशु खाद्य विक्रीचा व्यवसाय करत होते.
गुरुवारी ते मुलाला सोबत घेऊन निघाले. अंजग येथे त्यांनी आपली पिकअप वाहन उभे केले. त्यानंतर अनेक तास गाडी उभी असल्याने परिसरातील स्थानिकांना संशय आला. त्यांनी विहिरीजवळ जाऊन पाहिले असता ही घटना उघडकीस आली. वडनेर-खकुर्डी पोलिसांना याची माहिती देण्यात आल्यानंतर त्यांनी अग्निशामक दलातील जवानांच्या मदतीने मृतदेह बाहेर काढले. या प्रकरणी वडनेर-खकुर्डी पोलिसात आकस्मित मृत्यूची नोंद करण्यात आली आहेत.
