या धोरणानुसार, तुरुंगात काम करताना अपघातामुळे मृत्यू झाल्यास, वैद्यकीय अधिकाऱ्यांचा निष्काळजीपणा, तुरुंग कर्मचाऱ्यांकडून हल्ला किंवा कैद्यांमध्ये भांडण झाल्यास 5 लाख रुपयांची भरपाई दिली जाईल.
चौकशीतून संबंधित प्रकरणात प्रशासनाचा निष्काळजीपणा सिद्ध झाल्यास भरपाई देखील दिली जाईल. तुरुंगात आत्महत्या झाल्यास कैद्याच्या वारसांना 1 लाख रुपये भरपाई दिली जाईल. सरकारी प्रसिद्धीपत्रकानुसार, हे धोरण राज्यातील सर्व तुरुंगांमध्ये लागू असेल. कैद्याचा वृद्धापकाळ, दीर्घकालीन आजार, तुरुंगातून पळून जाताना अपघात, जामिनावर असताना किंवा उपचार नाकारल्यामुळे मृत्यू झाल्यास कोणतीही भरपाई दिली जाणार नाही. तथापि, नैसर्गिक आपत्तींमुळे मृत्यू झाल्यास, विद्यमान सरकारी धोरणानुसार भरपाई दिली जाईल.
