Belgaum News: बेळगावमध्ये सीमावाद वाढल्यामुळे गेल्या दोन दिवसांपासून कर्नाटक आणि महाराष्ट्रादरम्यानच्या बससेवेवर परिणाम झाला आहे. मराठीत न बोलल्याबद्दल कंडक्टर आणि ड्रायव्हर्सवर हल्ले झाले आहे , ज्यामुळे दोन्ही राज्यांना त्यांच्या बस सेवा कमी कराव्या लागल्या आहे.
मिळालेल्या माहितीनुसार बेळगावमध्ये सीमावाद वाढल्यामुळे गेल्या दोन दिवसांपासून कर्नाटक आणि महाराष्ट्रादरम्यानच्या बससेवेवर परिणाम झाला आहे. बेळगावमध्ये मराठीत न बोलल्याबद्दल बस चालक आणि कंडक्टरला मारहाण करण्यात आल्याने शुक्रवारी वाद पुन्हा उफाळून आला. या घटनेनंतर, महाराष्ट्राचे परिवहन मंत्री प्रताप सरनाईक यांनी शनिवारी कर्नाटकला जाणारी राज्य परिवहन बस सेवा थांबवण्याचे आदेश दिले. तसेच "शुक्रवारी रात्री कर्नाटकातील चित्रदुर्ग येथे कन्नड समर्थक कार्यकर्त्यांनी बंगळुरूहून मुंबईला येणाऱ्या महाराष्ट्र राज्य मार्ग परिवहन महामंडळाच्या (एमएसआरटीसी) बसवर हल्ला केला," असे सरनाईक म्हणाले.
तसेच घटनेनंतर केएसआरटीसीने महाराष्ट्रात जाणाऱ्या बस सेवाही कमी केल्या आहे. “परिस्थिती सामान्य करण्यासाठी आम्ही सर्व खबरदारी घेत आहोत,” असे उत्तर पश्चिम कर्नाटक रोड ट्रान्सपोर्ट कॉर्पोरेशनच्या एका वरिष्ठ अधिकाऱ्याने सांगितले. याशिवाय, मारिहाल वादात मुलीने दिलेल्या तक्रारीनंतर, बस कंडक्टरविरुद्ध लैंगिक गुन्ह्यांपासून मुलांचे संरक्षण कायद्याअंतर्गत गुन्हा दाखल करण्यात आला आहे. बेळगावमध्ये मराठी भाषिकांची संख्या मोठी आहे आणि त्यांच्यातील एका गटाला हा जिल्हा महाराष्ट्रात विलीन करायचा आहे, ज्याला राज्य सरकार तसेच तेथील कन्नड भाषिक लोकांकडून तीव्र विरोध होत आहे.
