लोणावळा नगरपरिषदेने येथील ग्रॅन्ड विसावा हॉटेल मालकाला 50 हजार रुपयांचा दंड केला असून कोविड 19 च्या नियमांचे व फिजिकल डिस्टन्सिंगच्या नियमांचे उल्लंघन केल्याप्रकरणी 14 जणांना लोणावळा शहर पोलिसांनी 14 हजाराचा दंड व हॉटेल मालकावर भादंवि कलम 188 प्रमाणे गुन्हा दाखल केला आहे.चार दिवसापुर्वीच गोल्ड व्हॅली येथील एका बंगल्यात सुरू असलेल्या लग्न सोहळ्याला दंड केल्यानंतर विसावा हॉटेलमध्ये हा दुसरा प्रकार उघड झाला आहे. लग्नसोहळ्यासाठी 25 जणांची उपस्थित ग्राह्य असताना याठिकाणी 76 नागरिक उपस्थित होते.
