सप्तशृंगी गड घाटात झालेल्या अपघातातील पीडितांना एसटी कडून मदतीचा हात

नाशिक जिल्ह्यातील सप्तशृंगी गड घाटात राज्य परिवहन महामंडळाची एसटी बस दरीत कोसळून अपघात झाला. यामध्ये 18 प्रवासी जखमी झाले. तर एका प्रवासी महिलेचा मृत्यू झाला आहे. 13 जणांवर नाशिकच्या जिल्ह्या रुग्णालयात व अन्य प्रवाशांवर वणीच्या रुग्णालयात उपचार सुरु आहे. या अपघातात मृत्युमुखी झालेल्या महिलेच्या वारसदारांना एसटी महामंडळाकडून 10 लाख रुपयांची मदत केली जाणार आहे. 

मंगळवारी सकाळी खामगाव आगाराची बस सप्तशृंगी गडाच्या दिशेने जात होती. बसने  सप्तशृंगी गडावर  थांबा घेतला. नंतर गडापासून ते खामगावचा प्रवासाने निघाली असता वणीच्या सप्तशृंगी गडावरून खाली येताना अपघातग्रस्त होऊन 400 फूट खोल दरीत कोसळली. 

या अपघातांवर राज्याचे उपमुख्यमंत्री देवेंद्र फडणवीस यांनी ट्विट करत शोक व्यक्त केले आहे. ते म्हणाले, "या घटनेत ज्यांनी प्राण गमावले आहे त्यांना मी भावपूर्ण श्रद्धांजली अर्पण करतो. 

अपघातातील जखमींवर शासकीय खर्चाने उपचार केले जाणार आहे. असा निर्णय मुख्यमंत्री एकनाथ शिंदे यांनी घेतला आहे. या अपघातात मृतकाच्या वारसदाराला एसटी महामंडळाकडून 10 लाख रुपयांची मदत देण्यात येणार आहे.  

Edited by - Priya Dixit