27 नोव्हेंबर रोजी दुपारच्या सुमारास डॉक्टर देवकी बोबडे राहत्या घरी मृतावस्थेत आढळल्या होत्या. त्या घरात एकट्या असल्यामुळे आरोपी घरात घुसल्याचा अंदाज व्यक्त केला जात होता. तसेच देवकी बोबडे यांचे हात पाय खुर्चीला बांधलेले आणि त्यांच्या तोंडात कापडाचा बोळा कोंबण्यात आला होता. गळा चिरुन त्यांची हत्या केल्याचं समोर आलं होतं.
लूटमार करण्याच्या उद्देशाने हत्या झाल्याचा संशय व्यक्त केला गेला होता, मात्र घरातील साहित्य जसंच्या तसं होता. यामुळे अन्य कारणास्तव हत्या झाल्याचा अंदाज व्यक्त केला जात होता. परंतु नातवाने आजीची हत्या करण्यामागील नेमकं कारण अद्याप स्पष्ट झालेलं नाही.
